partidu bikaina jokatu zuen Hernanik Independienteren kontra, kadete mailan, eta 42-5 irabazi zuten. Horrela, Euskal Ligako finalera sailkatu dira hernaniarrak eta ez dira lehendabizikoak, jubenilek ere finala jokatuko baitute. Biek Getxoren kontra.
Ikusmin haundia piztu zuen kadeteen atzoko partiduak. Joaneko partidua irabazita zeuden hernaniarrak, baina atzo errematea eman egin behar zen, eta urduri ziren denak.
Motorrean bezala atera ziren hernaniarrak, urduri xamar. Gero, jokaldi politak egiten hasi ziren, eta berehala ikusi zuten gehiago zirela. Hortik aurrera partiduak protagonista bakarra izan zuen: Hernani. Zazpi entsegu, eta transformazio asko. Jokua ere ona. Azpimarratzekoa Mikel Otxotorenak egindako lana.
Jubenilek ostiralean jokatuko dute Eibarren. Kadeteena oraindik ez dakigu.
Urrezko Kopan galdu
Seniorren talde nagusiak, galdu egin zuen atzo Bera Beraren kontrako partidua. Urrezko Kopako partidua zen, eta hernaniarrak ez ziren oso kontzentratuta atera, burua ligan baitaukate.
Kadeteak eta jubenilak azken kolpea emateko prest
Euskal Ligako finala jokatuko dute kadeteek eta jubenilek. Jubenilak lehengo astean sailkatu ziren eta kadeteak atzo, Independienteri 42-5 irabazita. Seniorrek galdu egin zuten Urrezko Kopan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!