Azaroaren 23tik 29ra egin zen herri kontsultan, bozkatu zuten 2.308tik gehienek, 1.459k, Kultur Gunearen alde egin zuten. Kultur Gune hori Latsunben egingo da, LH-8.6 lurrean, eta erabakita dago zein behar bete beharko dituen. Baina eraikinak nolakoa behar du? Non egingo den eta zertarako den jakinda, arkitektura aldetik nolakoa izan litekeen aztertzeko, Udalak ideia-lehiaketa deitu du, eta bi hilabete inguru daude lanak entregatzeko.
Proiektuak jaso beharko ditu, Musika Eskola, Kultur Etxea, Arte Eszenikoen arloa, aparkalekua, eta abar.
Arkitektoentzat
Lehiaketan parte hartzeko arkitekto titulua behar du, eta bakarrik edo taldeka aurkezteko modua izango du.
Inskripziorik ez da egin behar. Informazio grafikoa (planoak eta abar) eta dokumentala (informazio osagarria) Urbieta Kopiak dendan eskuratu liteke (Urbieta 7, 943 333 166).
Kontsultak egiteko bi asteko epea dago, lehiaketa GAOn argitaratzen denetik. Kontsultak e-mailez egin behar dira kultura@hernani.net.
Proposamenak aurkezteko 70 eguneko epea dago, eta Udaletxean aurkeztu behar dira, Udal Kontratazio eta Ondare Sailean.
Sari Nagusia 18.000 euro, eta 6.000 euroko hiru sari
Epaimahai batek erabakiko du zein den lehiaketako irabazlea. Irabazleak 18.000 euro jasoko ditu; horrez gain, hiru lan interesgarrienei 6.000 euroko saria emango zaie.