aurtengo inauterietan hiru sari berri emango zituela jakinarazi zuen Jai Batzordeak, eta eman dute sarituen berri. Joan den asteazkenean banatu zituzten sariak eta hiru beharrean, lau banatu zituzten. Inauterietan jende gehien bildu duen elkarteari dagokionez, ezin bakarra erabaki, eta Ttarla dantza taldea eta Gazte Asanblada saritu dituzte. Lehenengoa konpartsetan bildu duen jendeagatik, eta bigarrena, larunbatean egindako bazkarian eta ondorengo jaian bildutako jendeagatik. Etxeko balkoi apainduenaren saria, berriz, Kardaberaz Kaleko 20garren zenbakian bizi den Nekane Idarretak jaso du. Eta eskaparateari dagokionez, Fotodepilacion Pelisimo dendak. Guztiek 100 euroko bonoa dute mariskerian gastatzeko.
«Sariekin nabaritu da mugimendu gehiago»
Sariak banatzearen helburuetako bat zen herritarrek inauterietan parte hartzea, eta Pepi Arrospide Jai Batzordeko kideak azaldutakoaren arabera, nabaritu da mugimendua; batez ere eskaparate eta balkoietan. Eta gaineratu du, «honekin jarraitzen badugu, luzera eragina izango duela uste dugu».