Hernaniko ikastetxe publikoetan, jangelako langileek huelga mugagabea hasiko dute gaur. Deialdia Autonomia Erkidego osoan egina dago, eta astean bi egunetan egiteko asmoa dute. Deialdia egin dutenek diote, «eskatzen duguna eskatzen dugu, langileen, eta gure seme-alaben eskubideengatik».
Sukaldeko langileen baldintza berdinak
Lau eskaera egin dituzte huelga deitu dutenek, «Batetik, lanaldia luzatzea, txostenak lantzeko, tutoreekin hitz egiteko, eta abarretarako. Bestetik, etengabeko prestakuntza izatea. Hiru, ratioak jaitsita atentzioa hobetzea. Eta lau, Saileko sukaldeko langileekin baldintzak parekatzea».
Elkartasuna eskatu dute
Greba deialdia egin dutenek elkartasuna eskatu dute. «Badakigu eragozpenak sortuko direla, baina nahi genuke ardura eta kontuak enpresariei eskatzea, eta Jaurlaritzari; ez langileei».