Asteburuan lau final jokatzekoak ziren hernaniarrak eta ostiralean izan zen lehenengoa. Paul Ojuelek eta Aitor Gorrotxategik Euskal Herriko Txapelketan eskuz binakako finala jokatu zuten Mendizabal eta Irureta bikote elgetarraren kontra. Hernaniarrak txukun hasi ziren 4-0 aurretik jarrita, baina azkenean Elgetakoak nagusitu zitzaizkien 22-16. Bigarren finala atzo izan zen eta Aritz Otaegik eta Iñaki Esnalek Gipuzkoako Txapelketa jokatu zuten trinketean, Goikoetxea eta Esnaolaren aurka. 40-14 galdu zuten.
Txapelak Hernanira ekartzeko bi aukera
Gaur beste bi final izango dira paleta goman, eta oraindik bada txapelak Hernanira ekartzeko aukera. Miren Goikoetxea eta Eli Gutierrezek nagusien mailako finala jokatuko dute Mariñelarena eta Urtasunen kontra, Labriten. Jubeniletan, Eli Pagola eta Maider Semperrek jokatuko dute Mentxakatorre eta Gonzalezen aurka.