Trafikoa
Zirkuitu perimetrala Hernaniko kanpoaldean. Zirkuitu honek 5 ardatz izango lituzke:Txantxilla, Sorgintxulo, Florida auzoa, Karabel auzoa eta Portu auzoa. Trenbide azpiko pasabide berriak egin beharko lirateke, Portu auzoan eta Florida auzoan zirkuitu perimetral hau osatzeko. Zirkulazioaren bolumenaren gehiengoa herriaren kanpoaldera mugituta, erdialdeko trafikoaren norantzak berrordenatzea gomendatzen da. Orbegozoko zubiak, adibidez, norabide bakarra izatera pasako litzateke edota Antziola Latsunbe bialak norabide bikoitza hartuko luke.
Oinezkoen espazioak
20 eremu-ak eta Erven gune-ak: Oinezkoek eta bizikletek bestelako ibilgailuen aurrean lehentasuna duten eremuak. Herri guztian zehar agertuko litzateke txostenaren arabera motorrik gabeko mugikortasuna sustatzeko. Hainbat kale oinezkoentzat soilik geratuko lirateke. txostenak Sandiusterri eta Izpizua kaleak peatonalizatzea gomendatzen du, adibidez. Bidegorriak ugaritu behar dira txostenaren arabera.
Garraio
publikoa Garraio publikoa bultzatzeko, honen berregituraketa egitea gomendatzen du txostenak. A1 eta G1 autobus lineak Antziola edo Floridatik pasa beharko lukete ahalik eta jende gehienak garraio publikorako sarbidea ahalik eta hurbilen izan dezan. Herri barruko autobusa auzo guztietara iritsi beharko litzateke Mugikortasun Iraunkorraren plan honen arabera. Autobus linea guztien interkomunikazioa sustatzeko, geltokiak Urbieta kale inguruan jartzea proposatzen da planean. Txostenak Renfeko Apeaderoa Orbegozoko zubira mugitzea proposatzen du.