Goizeko 09:00ak dira; igandea. Motor dardarra Atsegindegin. 30 motor, 30 Harley Davinson, edo gisako, manilar zabaldunak, idi-adarrak bailiran. Hilero, bigarren igandean juntatzen dira bertan. Hamaiketakoa ordu eta erdira dute, bi ordu gehienera; berdin dio zein norabide; aitzakia jarria dago. Eta harainoko bidea dute gozamena. Martxan jarri da, motor bat, bi, hiruren marmarra... hogeita hamar motorren zaparrada... hor dijoaz Hernaniko Motolagunak!
Bazkaria Errioxan, San Vicente de la Sonsierran
Hiru urte bete ditu aurten Hernaniko Motolagunak taldeak, hileroko plan hori egiten; eta txoratzen daudenez, ospatzeko, bazkaria egingo dute martxoaren 14an, Errioxan. San Vicente de la Sonsierran bazkalduko dute, Monge-Ruiz bodegan, eta bidean, hamaiketakoa egingo dute Peñacerradan. Bazkaltzera joan nahi duenak izena eman behar du, Hernaniko Talleres Orkolagan, martxoaren 10a baino lehenago. Prezioa: bazkideek 35 euro; bazkide ez direnek 40 euro.