hernaniko herri plataforma batek bultzatuta, sinadura bilketa egin da Hernanin, Atez Atekoa jarri aurretik, erreferenduma egiteko eskatuz. Herri plataformako kideek jakinarazi dutenez, guztira 6.045 sinadura bildu dira, hau da, hautesle-erroldaren %38,3a. «Udalaren erabaki baten aurrean egin den herri mugimendurik haundiena izan da», azaldu dute.
Plenoan bozkatzeko
eskaera
Sinadura horiek udal erregistroan aurkeztu zituzten joan den asteazkenean, eta eskaera egin dute hilabete honetako Plenoan bozkatzeko, Atez Atekoa martxan jarri aurretik erreferenduma egitea. Azaldu dutenez, eskaerarekin batera aurkeztu dituzte egunkari ezberdinetan argitaratutako idatziak zeintzuetan azaltzen zitzaien herritarrei firma bilketaren arrazoia. Eta horrez gain, Araudi Organikoko 57 artikuluaren kopia aurkeztu dute. Artikulu horren arabera, herrananiarrek aukera dute herriko edozein gai Plenoan sartzeko, herriaren %15ek babesten badu eskaera hori.
Aldarria entzun eta horren araberako erantzuna izatea espero
Plataformako kideek azpimarratu dutenez, «espero dugu herritarron aldarri hau ikusita, gaia Plenoan aztertzea eta herri ordezkariek entzutea eta horren araberako erantzuna ematea».