Zakur eta guztiko ehiza Txapelketan Txantxangorri elkartea txapeldun.

Joan den asteburuan, Zakur eta guztiko ehiza Txapelketako bigarren jardunaldia jokatu zen Andoain­go Usobelartzan, eta bost elkarteetatik, Txantxangorri elkarteak eman zuen mailarik onena 805 puntu lortuta. Elkarteko kideek saio ederra egin zuten: Emilio Crespok bigarren egin zuen 303 punturekin, Asier Arrizabalagak laugarren, 301 punturekin, eta Jose Antonio Berazak zazpigarren, 201 punturekin. Aurreko asteburuan berriz, Plater Tiro txapelketa izan zen Santa Barba­ran eta Iñaki Urdanpilletak irabazi zuen lehenengo mailan, 15etik 13 plater botata. Bigarrena Jose Manuel Loinaz izan zen eta hirugarrena Pablo Tejada. Bigarren mailan Jose Luis Argotek irabazi zuen 15etik 14 jota. Bigarrena Luis Garayar izan zen eta hirugarrena Felipe Tejada.