Aldi baterako egonaldiak izango dira Aste Santuan, adineko pertsonentzat

Aste Santuari begira, adineko pertsonentzako egoitzetan izango diren aldi baterako egonaldiak prestatzen ari da Foru Aldundia eta eskaerak egiteko epea ere ireki du. Martxoaren 12ra arte, ostirala, egongo da zabalik. Gipuz­koako egoitza guztietan beza­laxe, Hernanin ere izango da aukera Ongintzan.
Zerbitzu honen bitartez, au­kera ematen zaie etxean bi­zi ohi diren eta menpekotasuna duten adinekoei egoi­tzan bizitzeko, hainbat arrazoi di­re­la eta, denboraldi ja­kin ba­tez etxean bizi ezin du­te­nean. Kasu honetan, Aste San­tuan.

Zaintzaileek atseden
hartzeko aukera
Esan bezala, menpekotasuna duten adinekoei dago zuzendua zerbitzua. Helburuak, berriz, honakoak dira: adineko pertsona horrek etxean bizitzen jarraitu dezan bitartekoak jartzea; zaintzaileei atseden hartzeko aukera ematea; eta zaintzaileak une jakin batean ezin duenean, bere ordez adineko pertsona zaintzea.

Unitate psikogeriatrikoko plazarik ez, eta egokitutako garraiorik ez
Aste Santuan, programak ez du izango unitate psikogeriatrikoko plazarik; beraz, perfil hori dutenek ezin dute parte hartu programa honetan. Horrez gain, 2010 urtetik aurrera, aldi bateko egonaldietan ez da egongo egokitutako garraiorik.

Plaza kopurua mugatua
Eskuragarri dauden plazen kopurua mugatua da; beraz, epez kanpo iristen diren eskaerak eskuragarri dauden plazen arabera eta haien perfilaren arabera aztertuko dira.
Eskaera betetzeko orria Ongintzan bertan lortu daiteke. Aurkeztu beharreko dokumentazioa honakoa da: eskatzailearen NAN-aren fo­to­­kopia, eska­tzailearen eta fa­­miliaren diru-sarreren egi­az­­­tagiria eta medikuaren txos­ten eguneratua (diagnostikoak eta tratamenduak bar­ne). Eska­tzai­learen diru-sa­rre­raren araberakoa da prezioa: 14 edo 22 euro. In­for­mazio gehiago 943 112 519 te­­le­fonoan eta mibarreta@gipuzkoa.net helbidean.