Isabel Setien, Esther Esparza eta Ricardo Remiro izendatuko dituzte kofrade

tolarea Gipuzkoako Sa­gar­do Naturalaren Kofra­diak, aurten ere, hutsik egin gabe, kide berriak izendatuko ditu sagardoaren defen­tsan lan egiteko. Igandean izango da ekitaldia eta omen­duko di­tuz­te­nak honakoak: Mª Isa­bel Setien Hernaniko plazan Mo­koko Maixabel bezala eza­gutua, Esther Esparza Tafalla­ko akto­re eta kazetaria, eta Ri­car­do Re­mi­ro Eulateko (Nafa­rroa) ar­tzaina eta gaztagilea. Setien Urnietako Gurutzeta baserrian jaio zen eta zazpi anai-arrebetan zaharrena izanda, oso gazte hasi zen etxeko eta baserriko lanetan bere gurasoei laguntzen. Aurten 50 urte egingo ditu Hernaniko arkupeetan barazki salmentan. Orduan amarekin etortzen zen, orain semea eta errainarekin. Hori dela eta omendu nahi du Sagardo Kofradiak Setien. Esparza Herri Irratiako zuzendaria eta Toda una vida saioaren aurkezlea da. Pasalo ETB2ko saioko tertuliakide izana da eta aktorea, besteak beste. Remiro, berriz, artzaina da eta bere gurasoen ofizioari jarraituz, gaztak egiten ditu. Eta Euskal Herrian ez ezik, Estatu mailan eta Europan sari ugari jaso ditu. Txoko ezberdinetako kofradiak ez dira faltako Urtero bezala, txoko ezberdinetako kofradiak bilduko dira herrian, izokinarena, babarru­na­rena, odolkiarena, patatarena... eta kofradia horiei eta gon­­bidatuei ongi etorria Txa­lapartan egingo diete 11:00e­tan. Ondoren, 12:00etan plazatik atera eta desfilea egingo dute herriko kaleetan barrena. Eta 13:00etan, berriz, kofrade be­rrien izendatze ekitaldia izan­go da Biterin. Izendapena bukatuta, Larre-Gain sagardotegian bazkalduko dute bilduko diren ehundik gora lagunek.