Martxoak 8 emakumearen eguna da, eta Berdintasun Kontseiluak eta Hernaniko Udaleko Berdintasun Sailak Bertsotrans jaia antolatu dute martxoaren 5ean, ostirala.
‘Bertsotrans’
Bertsotrans jaia emakume eta trans guztien izatea aldarrikatzeko antolatu dute. Afaria, antzerkia eta bertsoak uztartuko dira, aldarrikapena jai giroan ospatzeko.
Jaia martxoaren 5ean izango da, Iparragirre sagardotegian, 20:00etan hasita. Afariaz gain, King Kong Neska izango da, Josune Montonek antzeztuko duen ikuskizuna. Ondoren Bertso-saioa izango da, eta kantuan: Maialen Lujanbio, Estitxu Eizagirre, Aitor Mendiluze eta Uxue Alberdi. Gai jartzaile lanetan ariko dena berriz, Eñaut Agirre izango da.
Afarirako txartelak dagoeneko erosi daitezke, Zumitza eta Tripontzi tabernetan, 29,50 eurotan, eta martxoaren 3ra arte izango da erosteko aukera.