Ez dago berriketarik. Gaur irabazten duenak lortuko du finalerdietara pasatzea. Izan Mendizabal II eta Olaizola II, izan Gonzalez eta Laskurain, gaur irabazi beharra daukate txapelketan bizirik segi nahi badute. Lehen faseko azken partidua jokatuko dute gaur Eibarren, arratsaldeko 17:00etatik aurrera, eta postua jokoan duten bakarrak dira, gainerakoak erabakita baitaude. Finalerdietara lau bikote pasatzen dira, eta beste hirurak zein diren badakigu: Mtz Irujo-Beroiz, Titin III-Pascual, eta Xala-Zubieta.
Asko dago jokoan
Oier Mendizabal eta Aimar Olaizolak asko dute jokoan, beraz. Azkeneko bi finaletan izan dira: orain bi urte irabazi egin zuten; iaz galdu.
Aurten, finala jokatzez gero, lehenengo biharko partidua irabazi beharko dute; gero gerokoak.
Asegarcerentzat ere hil edo bizikoa da gaurko partidua, enpresako bikote bat finalerdietan sartu nahi badu. y