Usurbilgo emaitzak ikusita, EBk ez du erraustegiaren beharrik ikusten, Atez Atekoa «ekonomikoagoa, eraginkorragoa eta osasungarriagoa delako».
Hamar arrazoi
Atez Atekoaren alde
EBk hamar arrazoi eman ditu Atez Atekoa Gipuzkoa osora zabaldu beharko litzatekeela arrazoitzeko:
- 1) Osasuna. Erraustegia eta zabortegi arriskutsuak desagertu egiten dira.
- 2) Ingurugiroa. Desagertu egiten dira inbernadero efektua sortzen duten gasak.
- 3) Erosotasuna. Etxez etxe egiteak erosoago bihurtzen du Atez Atekoa.
- 4) Prezioa. Diru aldetik biablea da.
- 5) Garbitasuna. Kaleak garbiago egongo dira. Kontenedoreetan zaborra pilatuta izaten dugu orain.
- 6) Legalitatea. Legea betetzen da, eta Europak jartzen dituen parametroak hobeto betetzen dira.
- 7) Lana. Lanpostuak berriak sortzen dira.
- 8) Poztasuna. Birziklatzeko gogoa eta gauzak hobetzeko gogoa egi bihurtuko da, azkenean.
- 9) Elkartasuna. Gure zaborra ez genuke eramango beste herrietara.
- 10) Lekua. Espazioa irabaziko genuke herriko kaleetan (2 kontenedore=aparkatzeko plaza bat).