Kutxak krisiaren aurkako diru-partida bat onartu du, behar larriena bizi duten herritarrentzat. 3.000 euro arteko laguntzak emango dizkie Kutxak zenbait baldintza betetzen dituzten herritarrei, eta horretarako, Kutxa-Zeharo ofizinetan egin behar da eskaera.
Banatuz Kontseiluak Kronikara bidali duen oharrean, egoera larria bizi duten herritarrei dei egin die, diru laguntza horiek eskatu ditzatela. Banatuzek dioenez, diru laguntza onartu zenetik, oso jende gutxik egin du eskaera, «guztira 3 miloi euro onartu dira, laguntza bidez banatzeko, eta oraindik %3 bakarrik banatu da».
«Gipuzkoar behartsuenak, langabezian daudenak, EREa jasaten ari direnak, edo diru-premia larrienetan bizi direnak, krisiaren aurkako laguntza hau eskatzera animatu nahi ditugu».
70 bat eskaera onartu dira
Banatuzek dioenez, eskaera oso gutxi izan dira, eta «oraingoz 70 bat lagunek bakarrik jaso dute dirulaguntza. Iaz, Gipuzkoan langabezi-zerrendak osatu zituzten 8.400 langabetu horietatik askok jaso dezakete diru-laguntza hori, baina horretarako eskatu egin behar dute». Kutxari ere eskaria egin dio Banatuzek, informazio hau gehiago zabaldu dezan.
Pixkanaka bueltatu behar
Laguntza horiek eskuratzeko baldintza jakin batzuk bete behar dira, eta gehienez 3.000 eurokoak izango dira, pixkanaka bueltatu beharrekoak, ahal izanez gero.
Krisi larrian dauden herritarrei Kutxak dirulaguntzak emango dizkie
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!