Guardia Zibilak ETAren bi zulo aurkitu ditu Oindi mendian, Hernani inguruan, atzo Europa Press agentziak kaleratu zuenez. Dirua, lehergailuak egiteko 5 kilo inguru material, soka detonantea eta detonagailuak aurkitu dituzte bi zulo horietan, Europa Pressen arabera. Horrez gain, Gorbeia mendian ere beste 3 zulo aurkitu dituztela jakinarazi dute. Horietatik bi hutsik zeuden, eta bestean 170 kilo material aurkitu dituzte, lehergailuak egiteko.
Eguerdian egin zituen miaketa horiek Guardia Zibilak, eta Europa Pressen arabera, Ibai Beobide bertan zela egin zituzten miaketak. Ibai Beobide joan den otsailaren 13an atxilotu zuten, Asteasu eta Villabona artean.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!