Langile Ikastolako Organo Gorenak deituta, manifestazioa egingo dute gaur herrian zehar, «Hezkuntza sailak inposatu nahi duen fusioa salatzeko». Eguerdiko 13:00etan abiatuko da Plaza Berritik, atzotik egiten ari diren itxialdia bukatzean. Manifestazioan parte hartzeko dei egin diete Langile Ikastolako komunitate osoari: lehengoei eta oraingoei.
Itxialdi jendetsua
Langileko irakasle eta gurasoak itxialdia ari dira egiten atzotik Laubidietan. 40-45 bildu dira 24 ordutarako eta horrez gain, ordu batzutarako beste hamarnaka ere gerturatzen dira. Pozik azaldu dira itxialdiarekin, baina babesa, batez ere, gaurko manifestazioan nahi dute. Beraien esanetan, «manifestazio koloretsua izango da, Ikastola bera bezala».