Hernaniko Udalak bideo labur lehiaketa antolatu du, 8 eta 16 urte bitarteko gazteentzako, eta Atez Ateko zabor bilketari buruzkoa.
Hondakinak nahastuta mina hartzen dugu da bideo laburrak egiteko gaia. Helburua, berriz, gazteek gaiaren inguruan esaten dutena entzutea da. Izaskun Txintxurretak hala azaldu du Hernaniko Kronikara bidalitako prentsa oharrean: «Pentsatzen dutena, bideo batean bildu eta hura zabaltzen lagundu nahi diegu. Haien mezua entzutea garrantzitsua da guretzat».
Bideoak aurkezteko epea martxoaren 31ra arte dago.
«Gazteek ezagutzen dute landu beharreko gaia»
Hernaniko ingurumen sailak erabaki du lehiaketako gaia zein izango den, Hondakinak nahastuta min hartzen dugu. Txintxurretak adierazi duenez, «haurrek ezagutzen dute bideoan landu beharreko gaia. Badakite hondakinak nahastuta ezin direla birziklatu, konpostatu edo berrerabili. Hondakinak ez nahastea da gakoa».
Erabakia hartzeko, kontuan hartuko da gaia egoki tratatzea %25; eta gainerakoak %75: bideoaren egokitasuna, erabilitako teknologia, antzezlanaren bikaintasuna, eta Atez Atekoa aipatzea.
Irabazleentzat baleak,
300 eta 500 eurokoak
Hernaniko gazteek edo Hernanin ikasten dutenek egin beharko dituzte bideoak. 8 eta 16 urte bitarteko gazteei zuzendua dago lehiaketa, eta gainera, taldeka egin behar dira lanak: gutxienez 3 lagun; gehienez 5.
Bi mailatan banatuko da lehiaketa, 8-12 urtekoak, eta 13-16koak. Erabakia jakinaraziko dute Aste Santu ondorenean, eta irabazleak 500 eta 300 euroko baleak izango dituzte, Hernaniko kirol dendetan erabiltzeko.
Informazio gehiago nahi duenak, eta parte hartzeko fitxak telefonoz edo web orriaren bitartez lortu daitezke:
-900 840 090
-www.hernaniatezate.net.