Infantil mailako Gipuzkoako Judo Txapelketa gaur kiroldegian

Gipuzkoa osoko 100 judoka inguruk parte hartuko dute gaur arratsaldean Her­naniko kiroldegian ospatuko den Gi­puzkoako Judo Txa­pel­ketan. Arratsaldeko 16:00­etan emango zaio hasiera infantil txapelketari, eta hori amaitzean alebinak izango dira. Alebinak txartela lortu nahiko dute, maiatzean ospatuko den alebin mailako Gipuzkoako txapelketarako. Partehartzaileak kategoria askotan banatuak dau­de, guztiak pisuaren ara­bera. Horre­tarako, txapelketa hasi baino ordu erdi lehenago denek baskulatik pasa beharko dute dagokien kategorian sailka­tzeko. Gero borrokaldiak hasiko dira. Hernanitik 5 judoka Hernanitik 5 judoka arituko dira gaurkoan infantilen txapelketan. Neskek dominak lortzeko aukerak badituzte, eta mutilek lan zailagoa izango dute, Hernaniko Judo El­kar­tetik esan digutenez. Di­ru­dienez, mutilen kategorietan partehartzaile ugari dau­de eta maila nahiko altua da­go. Alebinetan sailkatze fasea Alebin mailan Gipuzkoa­ko Txa­pelketarako sailkapen fasea jokatuko dute infantilek bukatu bezain laister. Hernaniko Judo elkartetik 17 judokak parte hartuko dute eta dirudienez badauzkate sailkatzeko aukerak. Maia­tzean ospatuko da txapelketa hori eta Hernaniko kiroldegian egingo da baita ere. Sailkatze fase honetan judoka hernaniarrek Oarsoaldea­ko eta Donostialdeako judokak izango dituzte aurrean. 2009an alebin mailako txapelketa Hernanin jokatu zen eta 240 judokak parte hartu zuten. Orduko hartan hiru hernaniarrek lortu zuten domina.