zazpi urte bete dira gaur, Guardia Zibilak Egunkaria itxi zuenetik, Espainiako Auzitegi Nazionalaren aginduz, eta hori gogoratzeko, Egunkaria Eguna antolatu dute gaur Hernanin. Goizeko 11:30etatik aurrera, ekitaldi ugari izango dira Plaza Berrin. Besteak beste izango dira: musika, sagardo dastaketa eta bertsolariak. Euria egingo balu, Atsegindegin izango litzateke.
Giroa pixka bat berotu ondoren, eguerdiko 13:00ak aldera, Martxelo Otamendik hartuko du hitza.
Horrez gain, ekitaldi osoan, Egunkariaren aldeko kamixeta eta bonoak salduko dira eta haurrentzako margotzeko gune bat ere egongo da.
Egitaraua - gaur
11:30: Dultzaineroak eta Kantu Jirakoak Kaxkoan barrena ibiliko dira.
12:15: Sagardo dastaketa eta
pintxoak.
Batera, txalaparta, trikitilariak, dantzariak, bertsolariak eta Kantu Jirakoak joango dira oholtzara igotzen.
13:00ak aldera, tartean, Martxelo Otamendik hartuko du hitza.
Ekitaldi osoan, Egunkariaren aldeko kamixeta eta bonoak salduko dira eta haurrentzako margotzeko gune bat ere egongo da.