Kontzertu berezia izango da bihar, Musika Bandak antolatuta

Aurten Hernani Musika Eskola Publikoaren 25. ur­teurrena da, eta hori horrela, Musika Bandak kontzertu be­rezi bat prestatu du eskolako talde eta ikasleekin ba­te­ra. Roberto Pacheco Mu­sika Eskolako saxofoi irakasle eta zuzendariak Kronikari azaldu dionez, Musika Ban­dak urtero zuzendari bat gon­bidatzen du bere kon­tzertura eta aurten, bera izan da gonbidatua. Pachecok Mu­sika Eskolaren urteurrena gogoan, Hernasax taldeaz gain, Musika Eskola osoarekin zerbait berezia egitea proposatu zuen, eta ho­rren emaitza izango da biharko kontzertua. Urtean zehar kontzertu gehiago ere izango dira urteurrena ospa­tzeko.

Kontzertuko partaideak
Kontzertuan parte hartuko dutenak honakoak izango dira: Hernaniko Musika Ban­da, Hernani Musika Esko­lako Txistulari Taldea, Her­nasax saxofoi taldea (20 bat lagun) eta lau gonbidatu (Sa­txa Soriazu: teklatua, David Soriazu: gitarra elektrikoa, Haritz Luzuriaga: baxu elektrikoa, Jorge Pacheco: bateria), eta Hernani Musika Eskola Publikoko ikasleak. Eta horiek guztiak Zipri Otxandorena eta Roberto Pachecoren zuzendaritzapean izango dira.  

Zortzi abesti
Eskainiko duten kontzertu berezian, 8 abesti joko dituzte; honakoa da egitaraua: Las Kermes de las Vistillas Jose Mª Martin Domingo; La Virgen de la Macarena (Tpta. Ba­karlaria: Julio García Alonso. Herrikoia), moldaketa: Cal­vin Custer; Las Playas de Rio Kees Vlak; Two fat ladies Andy Scott; Lip Service Andy Scott; Sax Bomb Marcel Saurer; Take the ´a` train Billy Strayhorn; eta Araban zehar Kepa Mª Pinedo.