Langile Ikastolako Organo Gorenak deituta, itxialdia eta manifestazioa egingo dituzte asteburuan, «Hezkuntza sailak inposatu nahi duen fusioa salatzeko». Manifestazioan parte hartzeko deia Langile Ikastolako komunitate osoari luzatu diote, hau da: «urte hauetan Langile Ikastola sortu, sendotu eta indartu duten guztiei; atzoko, gaurko zein biharko guraso, langile, ikasle eta irakasleei; eta, noski, proiektu hau amestu, maitatu eta sinesten duten guztiei», azaldu dute. Manifestazioa igandean izango da, 13:00etan, Plaza Berritik abiatuta. Leloa honakoa izango da: Gure seme-alabak 2-16 Langile Ikastolan. Itxialdia bukatzean egingo dute manifestazioa.
Itxialdia larunbatean
Larunbatean, 13:00etan, 24 orduko itxialdia hasiko dute. Ikastolaren egoitza nagusian, hau da, Laubidietan izango da.