hernaniko Gazte Asanblada martxan dagoen taldea da, ekintza diferente ugari antolatu izan ditu sortu zenetik eta orain, erronka berri batekin dator. «Gure aurreko belaunaldiei testigua hartuta, gure herrian hain arrakastatsuak izan diren Herri Olinpiadak antolatzera goaz», azaldu dio Kronikari. Helburua dute «herriko koadrilak elkarren artean ezagutzea eta harremanak sendotzea».
Hiru generazio harremanetan
Hernanin Herri Olinpiadak egin ziren azken alditik 10 urte pasa dira, baina garai hartan ikusitakoa gogoan, antolaketan aritu zirenekin harremanetan jarri ziren Gazte Asanbladakoak. Bi generazioen artean aukerak ikusi eta konturatu ziren jendeak nahi duela lehen zegoen giroa berpiztu, eta deia luzatu dute Hernaniko koadrila guztien artean antolatzeko. Eta zeregin horretan, aurreragoko generazioarekin ere jarri dira harremanetan, hau da, 88an Olinpiadak antolatu zituztenekin.
Batzar irekia ostegunean
Kronikari azaldutakoaren arabera, Olinpiaden gutxi gorabeherako bat pentsatua daukate, baina oraindik ez dute dena zehaztu eta ostegunerako deitu duten batzar irekian proposamenak biltzeko asmoa dute. Hori dela eta, dei egiten diete herriko koadrila guztiei, olinpiadetan parte hartu nahi duten guztiei «lotsak eta tabuak alde batera utzi eta apuntatzeko». Ostegunean 19:00etan izango da batzarra, Biterin.
Atzo inauterietan
sekulako giroa
Gazte Asanbladak inauteriak ospatu zituen atzo. 12:00etan ginkana izan zen Tilosetan, eta ondoren, 14:00etan, bazkaria. Jende dexente bildu zen mahaiaren bueltan eta ondoren, Elektro Txarangarekin batera egindako poteoan, sekulako giroa jarri zuten herrian.