gogoan hartzeko denboraldia ari du Hernanik aurtengoa, Emakumezkoen ligan. Igoera fasea jokatzen ari dira orain, lehendabiziko fasean postua justu-justu irabazita. Igoera fasea oraindik luzea da, baina Hernani lider dijoa eta itxura bikaina ematen ari da. Hiru partidutik bi irabazi ditu, eta hirugarren garaipenaren bila aterako dira bihar Zubipera. Aurrean Vasconia taldea izango dute; itxura batean irabazi beharreko partidua, oraindik partidu alerik irabazi gabe baitaude Martutenekoak fase honetan. Bihar, 17:00etan Zubipen.
Gero eta joku hobea
Denboraldi hasierako jokua ikusita, Hernanik mejora haundia egin du hilabete horietan. Talde gaztea da Aritz eta Ioritz entrenatzaileek daramakitena, eta denak lanerako gogoz aritu dira denboraldi osoan. Defentsa da gehien hobetu dutena. Hasieratik, gola nahiko erraz sartzen dute hernaniarrek, baina hasieran defentsan hutsunea zeukaten. Orain, defentsan oso ondo ari dira, eta talde sendoa ari dira osatzen.
Liga Nazionala,
helburu zaila
Lehendabiziko fasetik 16 talde sailkatu ziren igoera fasera; eta zer diren gauzak, Hernani da, hain zuzen, azkena sailkatu zena. Baina jokua hobetzen joan ahala, talderik gogorrenetakoa bihurtu da Hernanikoa eta momentu honetan lehendabiziko postuan dago. Liga Nazionalera igotzeko fasea da orain jokatzen ari direna, baina bide luzea eta zaila da geratzen zaiena; talde bakarra igoko baita Gipuzkoa, Araba eta Bizkaitik. Gipuzkoan 16 talde ari dira jokatzen igoera fasea; bi taldetan banatuta. Talde bakoitzeko irabazleek euren artean finala jokatuko dute, eta hortik aterako da Gipuzkoako txapelduna. Hark, Bizkaiko eta Arabako txapeldunen kontra jokatu beharko du, eta horko irabazlea igoko da mailaz.
Vasconia, hurrengo pausua
Pausoka joan behar dela dio Jon Zabaletak, taldeko koordinatzaileak. «Hurrengo pausoa, Martuteneko Vasconia taldeari irabaztea da, bihar Zubipen, arratsaldeko 17:00etan. Talde beteranoa da Vasconia, eta kosta egiten da hari irabazten».