gipuzkoako Foru Aldundiak jakitera eman duenez, errotonda berri bat egingo du Hernanitik Goizuetara doan bidean, zehazki, Eziago poligonora sartzeko dagoen bidegurutzean, eta lanak aste honetan hasiko dituzte. Diputazioaren esanetan, errotonda egingo dute «GI-3410 errepidearen (Goizuetara doana) eta Zikuñagako industria gunearen arteko lotura arintzeko eta sarbidea hobetzeko». Proiektua egiteko lanen iraupena 5 hilabetekoa da eta aurrekontua 706.000 eurokoa. Lanak aurrera eramateko kontratatutako enpresa Orsa SL da.
«Aurreikusten diren
industriei eta aparkalekuari irtenbidea»
Diputaziotik azaldu dutenez, «helburua da Zikuñagako oraingo sarbidea hobetzea eta, batez ere, GI-3410 errepidearen barnealdeari (errepidearen ezkerraldea, etxebizitzak dauden aldea) sarbide egokia eta ordenatua ematea, inguru horretan industriak eta aparkaleku bat aurreikusten baitira». Hori horrela, hiru beso nagusi eta garrantzi txikiagoko beste laugarren beso bat izango dituen errotonda egin nahi dute.
Espaloiak konpondu eta
autobus geltokiak jarri
Errotondaren diametroa 42 metrokoa izango da, eta barrualdearena, berriz, 34 metrokoa. Errotondak eta sarbideek argiak izango dituzte perimetroan, eta obrak hartutako inguru guztian, errotonda barne, landaketa lanak eta paisaia inguruari egokitzeko lanak egingo dira.
Lana osatzeko, espaloiak konponduko dira eta autobus geltokiak jarriko dira, dagozkien sargune eta zebrabideekin.