Inauteriak ospatzeko, bazkaria eta mozorro lehiaketa larunbatean

HILABETERO bezala, otsai­lean ere ekintza mordoxka prestatu ditu Gazte Txokoak 11-16 urte bitarteko gazte­entzako. Esatera­ko, zenbait tailer egingo dituzte: kutxak dekoratzeko tailerra, kareta tailerra (eskaiola erabilita forma eta itxura ezberdineko karetak egingo dituzte, inau­teriak direla aprobetxatu­ta), gatzadun boti­lak, eta arkatzak dekoratzeko tailerra . Eta datorren astean inau­teriak direla eta, kareten era­kus­keta egingo dute ostiral argal egunean eta larunbatean, Gazte Txokora mozorrotuta joan, bertan bazkaldu, eta antolatuko den mozorro lehiaketan parte hartzeko au­kera izango dute gazteek.

Donostiara zinemara eta Txuri Urdinera
Hilabeteko irteerei dagokie­nez, otsailaren 21ean, Donos­tiara zinemara joan eta peli­kula bat ikusteko aukera izan­go dute. Otsailaren 27an, berriz, Txuri Urdinera joango dira patinatzera eta lagu­ne­kin ondo pasatzeko asmoz.

Play Stationa eta lehiaketak
Horrez gain, asteartero Play Stationean jokatzeko aukera izango dute gazteek, besteak beste honako jokoetan: buzz, sing star, fifa 09, naruro... Bai­ta ere, hilabete osoan zehar zenbait lehiaketa anto­latuko dira: arrautzaren dan­tza jokoa, la ruleta de la for­tu­na, totem eta futbolin txapelketa.

Sexualitatearen eta prebentzio neurrien inguruko solasaldia
Eta Gazte Txokoan dabiltzan gazte hel­duenek sexua­litatea­ren eta prebentzio neurrien inguruan antola­tutako sola­sal­dian parte hartzeko, za­lantzak argitzeko, esperien­tziak elkartrukatze­ko... aukera izango dute.