Larrialdi-ikastaroa DYAren eskutik

Larrialdi kasuetan nola jokatu, zer egin, erakutsiko dute otsailaren 17tik aurrera, Hernanin, DYAk antolatu duen ikastaroan. Oinarrizko ikastaroa izango da, egunero aurkitu ditzakegun egoerei aurre egiten ikasteko.
Otsailaren 17an hasiko dira ikastaroak, eta hiru aste iraungo dute. Martxoaren 9ra bitartean, astelehenetik ostiralera izango dira, 19:00­etatik 21:00etara, Inmaku­la­da ikastetxean (Sandiusterri, 4). DYAko mediku eta laguntzaileek emango dute.

Eguneroko zauri arinak
edo larriagoak
Ikastaroan ikusiko eta ikasiko da, nola jokatu, egunero geure inguruan sortu daitezkeen arazoen aurrean; arazo arin edo larriagoen aurrean. Bihotz eta birikak susper­tzen, zauriak sendatzen, he­zur-hausturak kon­pontzen, erreak senda­tzen... Oinarriz­ko arazoak ikusiko dira ikastaroan, gau­za arruntak, bai­na oso baliagarri izan li­tez­keenak. Modu erraz, eroso eta atseginean eraku­tsiko dira kontu horiek, teoria eta praktika uztartuta.

‘Sorosle Titulua’ eta EHUko 2 kreditu
Ikastaro osteko frogak gainditzen dituenari Sorosle Titu­lua emango dio Gipuzkoako DYAk. Horrez gain, Euskal Herriko Unibertsitaterako bi kre­ditu ere konbalidatu ahal izango ditu ikastaroa egiten duenak.
Ikastaro horiek Hernanin urtero egiten ditu DYAk, eta baita Gipuzkoako beste herri batzuetan ere: Donostia, To­losa, Errenteria, Azpeitia...

Izen-ematea zabalik
Ikastaroan parte hartzeko ez da ezagutzarik behar, oinarrizko ikastaroa delako, eta nahi duena apuntatu liteke, otsailaren 15era bitarte, telefono honetan: 943 46 46 22. Prezioa: 90 euro.