etzi bilera izango dute Urumea, Elizatxo eta Langile ikastoletako gurasoek. Bilera Biteri kultur etxean izango da, arratsaldeko 19:00etan. Bertan, hitz egingo dute DBHko hiru ikastolen fusioaren inguruan. Bilera deialdia Langile ikastolako 6garren mailako gurasoek egin dute, eta helburu dute beste ikastoletako gurasoen irizia ezagutzea: «beste ikastoletako gurasoen iritzia jasotzea ezinbesteko jo dugu. Bileraren helburuak dira, elkarren berri izatea, izan daitezkeen iritzi ezberdinak aztertzea eta elkar ezagutzea».
DBHko hiru ikastolen fusioa aztergai
Bilerako gai nagusia DBHko hiru ikastolen fusioa izango da.
Langile ikastolako gurasoek Kronikara bidalitako prentsa oharrean adierazitakoaren arabera, Gipuzkoako Hezkuntza Delegazioko hiru kide aste honetan bildu dira ikastoletako zuzendaritza eta gurasoekin, gaia aztertzeko. Horren ondotik antolatu dute bilera.