Festa giroa nagusi izango da otsailean Astigarragan. Kultur Agendari begirada bat botaz gero, azpimarratzeko ekitaldiak dira Santa Agedako kantu eskea, Inauteriak, eta ume eta helduentzak antolatu dituzten ikuskizunak.
Hilabetea asteko,
Santa eskea
Hilabetea Santa Ageda bezperako kantu eskearekin hasiko dute Astigarragan. Asteazkenean izango da, arratsaldeko 19:00etan. Aiztondo abesbatza eta Astigarragako Txirriskla txistulariak ibiliko dira herriko kaleetan barrena, Foru Plazatik abiatuta.
Ipuin ordua eta zinema
Egun berean, umeentzako ipuin ordua antolatu dute kultur etxeko liburutegian. Bi saio izango dira: 3-5 urte bitartekoentzat, 17:45etan, eta 6-9 urte bitartekoentzat 18:15etan. Ipuin kontalaria Lur korta izango da.
Horrez gain, otsailaren 6an eta 20an haurrentzako zinema izango da, 17:00etan, euro batean. Otsailaren 6an Cher ami jarriko dute eta otsailaren 20an Pluk eta bere garabia.
Haur eta helduentzako ikuskizunak
Hala ere, zinea eta ipuin ordua ez dira izango haurrentzako ekitaldi bakarrak. Otsailaren 7an, 17:00etatik 18:00etara Arrasto Bluak ikuskizuna izango da, kultur etxean.
Helduentzako berriz, poesia eta musika ikuskizuna antolatu dute, Internet Kafe izenekoa. Otsailaren 27an izango da, 20:00etan, kultur etxean. Mikel Urdangarin eta Kirmen Uribe ariko dira zuzenean.
Lantzeko inauteriak eta Kaldereroak
Inatuteriak
ospatzeko aukera ere izango da. Astigar dantza taldeak egun osorako ekintzak antolatu ditu otsailaren 14an. Besteak beste, dantzan ikasteko aukera eta txanoak egiteko tailerrak izango dira.
Kaldereroei dagokienez, konpartsa Ergobiatik aterako da, otsailaren 20an, 17:30etan. Afaria izango da ostean Zipotza taberna, eta txartelak bertan daude salgai.