txantxangorri elkartean mus txapelketak hasteko guztia prest dute. Astelehenean bertan ekingo diote binakako txapelketari, aurten 42garren urtez. Eta banakako 24garren edizioa ostegunean hasiko da. Binakako txapelketan 24 bikotek hartuko dute parte lehenengo kanporaketan. Kanporaketa hori astelehenetik asteazkenera bitarte jokatuko da; egun bakoitzean launa partida. Errepeskako partidak, berriz, otsailaren 8 eta 9an jokatuko dira. Banakakoan 14 pertsona lehiatuko dira lehenengo kanporaketan. Ostegun eta ostiralean izango dira partidak. Lehenengo egunean bost izango dira eta ostiralean, bi. Errepeskako partidak otsailaren 10 eta 11n jokatuko dira.
Eper eta faisan ehizaldiak otsaileko larunbatetan
Mus txapelketez gain, Txantxangorri elkarteak eper eta faisan ehizaldiak antolatu ditu otsaileko lau asteburuetarako. Arabako koto industrial batean izango dira. Nahi duten ehiztariek parte hartu dezakete ehizaldietan, eta horretarako Txantxangorri elkartean eman behar dute izena. Txantxangorriko bazkideek irteera bat subentzionatua daukate. Informazio gehiago elkartean bertan emango da.