astelehenean Udalak jakinaraziko du bere proposamena atez ateko hondakin bilketarako, etxebizitza bakoitzean jarri behar diren zintzilikatzekoen kokalekuaren inguruan. Eta bizilagunek Udalak proposatutako tokia zein den jakiteko aukera izango dute atez ateko bulegora joanez gero (Kardaberaz kalea, 25). Horrez gain, Udalak proposatutako kokapenarekin ados ez dauden bizilagunek beste leku bat proposatzeko aukera izango dute otsailaren 19ra arte. Proposamen berria etxepeko bileran adostua izan dela ziurtatzen duen dokumentu sinatua entregatu beharko dute.
Otsailaren 20tik aurrera, atez ateko bulegoko informatzaileak harremanetan jarriko dira aldaketa proposatu duten bizilagunekin, Udalaren erabakiaren berri emateko. Eta martxoaren erdialdera zintzilikatzekoen behin betiko kokapena jakinaraziko du Udalak.
Informazio gehiago nahi izanez gero, honako helbidean aurkitu daiteke: www.hernaniatezate.net.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!