benito Ros da munduko txapelduna, eta beste behin ere erakutsi zuen zergatia. Atzo Fagollagako zirkuitoan ez zuen berdinik izan, eta berari begiratuz gozatu zuten parte hartzaile eta ikusleek. Inguratu zitzaiona, gazte bat: Jon Areitio hondarbitarra. Maila polita eman zuen berak ere. Eta hirugarrena Iker Gonzalez errenteriarra.
Parte hartzaile gehiago
Aurreko urteetan baino parte hartzaile gehiago izan ziren atzo. Guztira 36 izan ziren Fagollagako harkaitzetan lehiatu zirenak, eta kirol horren zailtasuna dela-eta, ez da normala izaten.
Tartean hernaniarrak ere izan ziren, atzo, animatu eta zirkuitua egin zutenak. Ruben Arenales juniorretan atera zen, eta 6garren postua lortu zuen. Jesus Franco infantiletan atera zen, eta 8garren geratu zen. Eta Ane Gil benjaminetan atera zen, lehiarik gabeko kategorian.
Gainerako sarituak
Juniorretan Andoni Asenjok izan zen irabazle. Bigarren Gorka Susperregi, eta hirugarren Markel Uriarte. Infantiletan, Unai Zunzunegi izan zen onena. Bigarren Sergio Fernandez, eta hirugarren Josu Sanchez. Azkenik, alebinetan Aimar Etxeberriak irabazi zuen. Bigarren Gaizka Cuellar geratu zen eta hirugarren Jon Madina.
Txapelketak jarraitzen du
Gipuzkoako txapelketaren barruan, Fagollagakoa zen aurreneko froga. Gainerako lau frogak jokatuko dira: Pasai Donibanen (otsailak 7-Arrokandieta), Oñatin (otsailak 21-Arantzazu), Urretxun (martxoak 7-Santa Barbara), eta Aretxabaletan (martxoak 21).