Hernaniko pelotariek partidu garrantzitsu asko jokatuko dituzte, gaur. Aipagarrienak izan litezke, gaur jokatuko diren bi finalak. Irazustabarrenak eta Ugaldek, gaur Euskal Herriko txapelketako finala jokatuko dute, Mañarian, 17:00etan, Amurrioren kontra. Horrez gain, Gipuzkoako 2. mailan, Tijerok eta Zabalak Anoetaren kontra jokatuko dute, Anoetan, 16:00etan. Eta bi finalerdi ere jokatuko dituzte, biak trinketean, gaur, eta Iruran. Batetik, Aritz Otaegik jokatuko du, Loiolatarraren kontra; eta bestetik, Josu Altunak jokatuko du, Oiarperen kontra.
Berria txapelketa gaur eta bihar Hernanin
Berria txapelketa hasi berri da, eta gaur, eta bihar partiduak izango dira Hernanin. Euskal Herriko pelotaririk onentsuenak jokatzen dute Berria txapelketa, eta aukera paregabea da, promesa berri horiek bertatik bertara ikusteko.
Gaur, 11:00etatik aurrera, Markina eta Oiarpe (Oiartzun) ariko dira zein baino zein, eta bertan izango dira, Ugalde II, Imaz, Arrieta, Aretxabaleta, edo Olalde bezain pelotari dotoreak.
Bihar, 10:30etan, Gure Kirola (Barakaldo) eta Ilunpe (Azpeitia) ariko dira. Hor ere, gaurko promesarik onentsuenak ikusteko aukera izango da: Etxaniz, Aizpuru, Larrañaga edo Uzkudun, adibidez.
Partidu Hernanin
gaur arratsaldean ere
Bestalde, Hernanin txapelketako partiduak izango dira gaur arratsaldean ere, 16:00etatik aurrera. Bertan ariko dira, kadeteetan, Leonet-Garcia,Urnietaren kontra; jubeniletan, Lopez-Elortza, Tartaloetxeren kontra; eta nagusietan Oiaga-San Sebastian, Lagunak taldearen kontra.
Oier Mendizabalek gaur jokatuko du
Azkenik, profesionaletan, binakako txapelketako ligako partidua dute gaur Mendizabal IIak eta Olaizola IIak, Mtz de Irujo eta Beroizen kontra. Labriten, 17:15etatik aurrera.