euskaraz hitz egin eta praktikatu nahi bai, baina askok ez dute beti neurriko gunerik edo pertsona egokirik topatzen. Hain zuzen, pertsona horiei laguntzeko dago Gure Artean Euskaraz egitasmoa. Euskaraz hitz egiteko laguntza edo konpainia nahi dutenak eta laguntzkeo prest daudenak biltzen ditu egitasmo honek. Dobera Euskara Elkartearen, euskaltegien, ikastetxeen eta Udalaren elkarlanaren bidez sortu zen orain dela 6 urte.
«Lotsa galtzeko eta segurtasuna
irabazteko bidea»
Gure Artean Euskarazen parte hartzen dutenak talde txikitan edo binaka elkartzen dira, astean behin, euskaraz hitz egiteko ohitura duen euskaldun batekin. Eguna eta ordua beraien artean zehazten dute. Nagore Zubeldiak Dobera Euskara Elkartetik Kronikari azaldu dionez, «orokorrean parte hartzen duten pertsonak 35-50 urte bitartekoak dira eta apuntatzeko arrazoi nagusia izaten da inor ez daukatela euskaraz hitz egiteko. Euskaltegian ikasten dutenarekin bakarrik ez dira ausartzen harategian euskaraz hitz egitera. Gure Artean Euskaraz aritzen direnek lotsa galtzen dute, segurtasuna irabazten dute eta lehenengo hitza euskaraz egiten ausartzen dira».
Laguntzaile gehiago behar
Gure Artean Euskarazek martxan daramatzan 6 urte hauetan herritar asko izan dira parte hartu izan dutenak eta jendea oso gustora aritu izan da Zubeldiak azaldu duenez. Joan den urtean, 40 herritarrek hartu zuten parte: 30 laguntza jasotzen eta 10 laguntzen. Aurten, sei talde daude martxan. Guztira izena eman dutenak izan dira 34 eta horietatik laguntzaileak 6 dira. Zubeldiak jakinarazi duenez, euskaraz hitz egin nahi dutenei laguntzeko prest dauden euskal hiztun gehiago behar dituzte. «Jende asko dago euskaraz hitz egiteko gogoz, baina laguntzaile nahikorik ez dago. Ondorioz, talde batzuk haunditu egin ditugu, eta nik neuk talde bat hartu dut. Pena da laguntzaile faltaga-tik talde gabe geratzea. Pentsatzen dut jendea oso lanpetuta dabilela, lana dela, umeak direla... eta zaila da ordutegian bat etortzea. Baina astean ordubete bakarrik izanda, asko lagundu daiteke». Parte hartzaileen artetik 25 Hernanikoak dira eta gainerakoak: Urnietakoak, 4; Astigarragakoa, 1; eta Donostiakoak, 4. Donostiatik gainera, laguntzaile bat ere animatu da.
Parte hartzeko aukera
oraindik bada
Oraindik nahi izanez gero, bada apuntatzeko aukera, bai laguntza jasotzeko bai laguntzeko. Horretarako Doberatik pasatzea besterik ez dago (Larramendi 11, behea) edo telefono honetara deitu: 943 332 799.
Unibertsitateko ikasleek 3 kreditu 45 ordutan, laguntzaile gisa parte hartuta.
AEKk eta Euskal Herriko Unibertsitateak hitzarmen bat dute eta horren arabera, AEKren mintzapraktika egitasmoetan (Gure Artean Euskaraz, Berbalagun, Mintzalagun...) parte hartzen duten Euskal Herriko Unibertsitateko ikasleek aukera askeko kredituak eskuratu ahal izango dituzte.
Adostutakoa honakoa da: Unibertsitateko ikasleen zeregina: mintzapraktika egitasmoan dauden euskaldun berriekin astean ordu batez elkartzea eta euskara ikasleak ikas prozesua amaitu dezan laguntzea. Egitasmo hauek mintzataldeetan antolatzen dira eta unibertsitateko ikasleak bertan integratuko lirateke eta laguntzaile papera beteko lukete. Denera 45 ordu, hau da, 3 kreditu.
Beraz, Euskal Herriko Unibertsitateak parte hartzen duten ikasleei euren espediente akademikoko aukera askeko kredituak lortzeko aukera emango lieke. AEKren Praktika Zerbitzua berriz, ikasle horien jarraipena eta ebaluazio txostena egiteaz arduratuko litzateke.