‘Sagar martxa’ oinezko ibilaldia da txotx egitarauari hasiera emango diona

Txotx denboraldia ekitaldiz betea dugu aurten ere, eta ko­lore guztietako ekintzak izan­go dira, otsailean hasi eta apirila bukaera arte. Perku­sioa, piro­tek­nia edo zirkoa; kon­tzer­tuak, antzerkia edo ome­nal­dia... gusto guztieta­ra­ko izan­go da. Lehen­da­bi­zi­ko ekital­dia, aurtengo nobe­da­de jo dutena, Sagar Martxa, otsai­laren 7an.

Sagardotegiz sagardotegi, geldialdi eta guzti
Oinezko martxa izango da otsailaren 7an, egitarauari ha­siera emateko. Gudarien pla­zan abiatuko dira, goizeko 09:00etan, eta sagardote­gie­tan barrena egingo da ibilia. Orain­dik bidea erabat zehaz­tu ez badute ere, 10 km in­gu­rukoa izan liteke, eta tartean, gel­dialdia egingo dute, in­darberritzeko, sagar­do­tegi batean.

Urterokoak aurten ere bai
Ohizko bihurtu diren ekital­diak aurten ere badute lekua txotx egitarauan. Sagar Las­terra lasterketa, adibidez, mar­txoaren 6an izango da. Tolarea Kofradiak aurten XVgarren kapitulua egingo du, mar­txoa­ren 21ean. Chilli­da Le­ku­ko urteroko Sagar Egu­na ere egingo da aurten, bosgarren urtez, martxoaren 28an.

Erretzen ez duen piroteknia
Espektakulu berriena, agian, azken ekitaldikoa izango du­gu. Castellonetik etorriko da Spec­trun taldea, «erretzen ez duen piroteknia» eta guzti. Ka­lejira eta piroteknia uztar­tu­ko dituzte, apirilaren 28an. Umeentzako ekitaldiak, gaz­­­teentzako kontzertuak, eta adin guztientzako perku­sioa dira, beste ekitaldi ba­tzuren artean, egitaraua osa­tuko dutenak. 

2010eko Txotx denboraldiko egitaraua

Otsailak 7, ‘Sagar Martxa’. Oinezko ibilaldia. 09:00etan, Gudarien plazatik.
Otsailak 27, ‘Zo-zongo perkhushow’ perkusio taldea. 19:00etan kalean barrena.
Martxoak 6, Sagar Lasterra.
Martxoak 7, Harritxu Maritxu emanaldia haurrentzako. Ane Monna Oskola eta Karramarroi taldearekin. 17:00etan Atsegindegi plazan.
Martxoak 21, Tolarea Kofradiaren XV kapitulua. 12:00etan Kalebuelta.13:00etan ekitaldia Biteri kultur etxean.
Martxoak 28, V.Sagar Eguna.  12:00etan Chillida Lekun.
Apirilak 16, Bizardunak. Kontzertua. 23:00etan Gudarien plazan.
Apirilak 18, ‘Zirko Eguna’ umeentzat. Azulkillas zirko taldea. 11:30etan zirko tailerrak. 17:30etan kalejira eta emanaldia.
Apirilak 25. ‘Spectrun’ kalejira eta piroteknia. Castellongo taldea. Erretzen ez duen piroteknia. 20:00etan kalean barrena.