Andoaingo ‘Construcciones Metalicas Adarra’ enpresako langileek greba hasi dute; tartean hernaniarrak ere badira

ela sindikatuak Kronika­ra bidalitako prentsa oha­rrean adierazi duenez, gre­ba mu­ga­gabea hasi dute An­doaingo Construcciones Me­­­ta­licas Adarra enpresa­ko lan­­gileek. Tartean her­na­nia­rrak ere badira, adie­razi du­tenez «gure lan baldintza dui­nen alde hasi dugu greba». Langileek diotenez, en­presak kaleratu egin ditu bi langile, eta EREaren bal­dintzak okertu ditu. En­pre­sa honetako langi­leak urte eta gehiagoan daude ERE­an. «Orain arte %100eko EREan egon gara. Lan­ga­bezitik kobratzen genuen zati bat, eta gainerakoa enpresak or­daintzen zigun, solda­taren %100 osatu arte. Orain, es­kaini digu solda­taren %70 osatzeraino or­dain­tzea». Lan­gileek dio­te­nez, enpre­sak irabaziak izan ditu 2009­an, eta datu horiek erakus­teko eskatu diete, «datu eko­nomikoak azaltzeko eskatu dugu eta baita etorkizuneko lan kar­ga zein izango den ere, baina enpresak ez diz­kigu erakutsi nahi. Guk 3 gauza eskatzen ditugu: ez bi lan­gi­leak kaleratzeko, EREa­ren baldintzak ez aldatzeko eta guri azaltzeko 2009ko datu ekonomikoak, eta etor­kizuneko lan kargak».