Zilegi eskolak famatu egin dira Hernanin. AEK euskaltegiak antolatzen ditu, eta ikasle eta herritar guztiek parte hartu dezakete bertan. Helburua: euskera praktikatzea.
Urtarriletik ekainera ikastaro asko egingo dituzte, eta datorren astelehen eta asteartean aurrenekoa: Giltzak eta pitxiak zintzilikatzeko egurra apaintzen, Itziar Salaberriaren eskutik.
Zubietara inauterietan
Ekainera bitartean, ekintza asko dauzkate prestatuak Zilegi Eskolen barruan. Tartean, Zubieta eta Iturengo inauterietara joango dira otsailaren 2an. Horrez gain, 6 bat ikastaro egingo dituzte: Hernaniko Alde Zaharra Erdi Aroan, Sexualitatea, Osasuna eta Erlajazioa, Ardo Dastaketa... (datarik ez dago zehaztuta).
Eskulanak, zintzilikarioak
Itziar Salaberriak emango du datorren astelehen eta astearteko ikastaroa. Eskulanak egingo dituzte; zehatzago, zintzilikarioak. Giltzak edo pitxiak zintzilikatzeko egurra apaintzen ikasiko dute, eta horretarako egingo dituzte: egurra lijatu, krakeladora erabili, margotu...
Hernaniko AEK euskaltegian izango da ikastaroa, urtarrilaren 25ean eta 26an, 14:30etatik 16:30etara. Izena emateko aukera ikasleek eta herritar guztiek daukate: AEK euskaltegian (Larramendi 11), e-mailez zilegieskola@aek.org helbidean, edo telefono hauetara deituta: 607 592 864 edo 607 610 687. Informazio gehiago blog honetan: www.zilegieskola. blogspot.com.