Txotx irekiera ekitaldia gaur izango da Gudarien plazan, eguerdiko 12:00etatik aurrera. Bertan, urtero bezala, pertsona ospetsu batek edukiko du ohorezko lehenengo txotxa egiteko ardura. Aizpea Goenaga aktore eta zine zuzendari donostiarra da aurtengo txotx denboraldia hasteko ohorea izango duena eta omenaldia jasoko du urte luzeetako lana dela eta. Ondoren inguratzen den edonork probatu ahal izango du 2009ko uztako sagardo berria. Ekitaldiaren aurretik eta ondoren herri kirol erakustaldiak, dantzariak, eta bertsolariak hartuko dute parte.
Aizpea Goenaga
aurtengo omendua
Txotx irekierako ekitaldian Aizpea Goenagak hartuko du Barricadaren lekukoa. Batez ere, antzerkian, telebistan, zein zinean egindako aktore lanagatik da ezaguna. Baina idazlea, zuzendaria eta gidoilaria ere bada. Lantegi honetan urte luzetan aritu da donostiarra eta proiektu ugaritan hartu du parte. Aipagarria da, zine zuzendari moduan lehen urratsak lehengo urtean eman zituela. ´Sukalde kontuak` euskarazko film arrakastatsua zuzendu baitzuen.
Sagardogileak
itxaropentsu
Aurtengo txotx garaiari itxaropentsu egingo die aurre sagardogileek. Dagoen errealitatearen jakitun, jendea etorriko denaren esperantza dute, gure artean sagardotegien ohitura ongi errotuta baitago sagardogileek esaten dutenez.
2010 Txotx Denboraldi hasiera
Lekua: Gudarien Plaza
Ordua: 11:00tatik 14:etara
11:00 : Trikitilariak
12:00etan: Txalapartariak, bertsolariak... AIZPEA GOENAGAK
emango dio hasiera aurtengo Txotx denboraldiari.
11:45 - 14:00: Incansables Txaranga kaleetan barrena
13:00etan: Herri Kirolak - Izeta harrijasotzailea eta Fausto Mugerza.