Papiroflexia eta gomaespumazko imanak egiteko aukera besteak beste, hilabete honetan

Kronika - Erredakzioa 2010ko urt. 17a, 01:00

urtarrila erdia joana da, baina oraindik badira ekintzak Gazte Txokoan. Urrutira joan gabe, asteazken eta ostegun honetan, papiroflexia tailerra izango dute gazteek. Paperare-kin irudi ezberdinak egiteko aukera izango dute, esate baterako, Super Mario panpina. Horrez gain, beste tailer bat ere izango dute, gomaes­pu­mazko imanak egitekoa, hain zuzen. Kolore ezberdinetako goamespuma erabilita, hainbat tokitan jartzeko imanak egin ahal izango dituzte gazteek. Gazte Txokotik jakinarazi dute ikasturte honetan bereziki, gazteek eskulanak oso gusto­koak dituztela, eta ekintza horie­tan gazte asko ari dela parte hartzen.

Xakea, futbolin txapelketa eta Donostiara zinemara
Tailerrez gain, ekintza gehia­go ere antolatu dituzte hil­a­bete honetarako. Urtarri­l­a­­ren 23an, larunbatean, fut­bo­lin txapelketa izango dute gaz­teek eta hilaren 31n, xa­kean, euren artean lehia­tzeko au­kera ere izango dute. Irt­ee­rei dagokienez, datorren igan­­dean, hilaren 24an, Do­no­s­tiako zinemara joango dira.

‘Avatar’ pelikula, Santo Tomas eta Hiesaren Nazioarteko Eguna arrakastatsuak
Abenduko ekintzen balora­zio­aren berri ere eman dute Gazte Txokoko kideek eta azaldu dute arrakastatsuak izan direla Avatar pelikula­ren emanaldia (27 gaztek ikusi zuten) eta Santo Tomas eta Hiesaren Nazioarteko Egunak. Hala azaldu dute: «Santo Tomasetan Plazan jarri zen postuan txistor guztia saldu zen eta gazteek lan txukuna egin zuten. Bertan lortutako diruarekin Sahararako elika­gaiak eta materiala erostea erabaki da». Hiesaren Nazio­arteko Egu­na­ri dagokionez, «Harri beltza taldeko kide bat Gazte Txokoan izan zen eta bere esperientzia kontatzeaz gain, prebentzio neurrien garran­tzia islatu zuen eta oso inte­res­garria izan zen», azaldu dute Gazte Txokotik.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!