amher Sos Arrazakeria elkarte multikulturalak 2009an egin dituen ekintzen berri eman zuen atzo prentsaurrean, etorkin mordoarekin batera. Joan den urtean egindako lanaren balantzea oso positiboa dela eta urte honetarako oinarri izango dela azaldu zuten, Joxe Elizondo Niko eta Ane Iturbe elkarteko kideek. «2010ean ekintza horiek egiten ahaleginduko gara eta ahal izanez gero, gehiago». Balorazioan, Aholkularitza arloan egindako lana azpimarratu zuten, batez ere; izan ere, «2009an Amherrera aholku eske inguratu direnak gehiago izan dira, 2008an baino. 2009an 340 bisita izan dira eta 2008an 200 izan ziren».
Ekintzak oso positiboak
Iaz egindako ekintzak oso positiboak izan direla azaldu zuten eta ekintza horien artean nabarmendu zituzten: jai gastronomikoa, San Joanetako ekintzak, aste kulturala, hitzaldiak eta zine zikloa.
Erronka ugari
Krisi garaian bazterketa soziala ugaritzen ari dela aipatu zuten eta horren aurrean kritiko azaldu ziren: «krisiaren kausa eta ondorioekin, aberastasunaren banaketarekin eta giza eskubideen murrizketarekin». Horrez gain, esandakoaren arabera, lanean jarraitzeko erronka mordoa dituzte: berdintasuna, pluraltasuna, dibertsitatea, solidaritatea, hezkuntza, arrazakeria...
Beste elkarte eta instituzioekin elkarlanean jarraitzeko asmoa ere azaldu zuten.