urtarrila izaten da xake denboraldiak hasteko garaia. Hernaniko bi taldeak prest dira denboraldi berriari aurre egiteko. Batek, Hernani Ak, Gipuzkoako Txapelketako 1. mailan jokatuko du, eta besteak Hernani Bk, Gipuzkoako Txapelketako 2. mailan. Bien erronka da mailaz igotzea, baina ez da lan erraza izango, ez batzuentzat eta ez besteentzat.
Hernani A talde bikainarekin
Hernani Ak aurten ere talde bikaina dauka. Zazpi lagun dira taldean, eta mailaz, euren ligako onentsuenen parean daude. Aurten 12 talderen kontra ari beharko dute, eta tartean dituzte, Andoain, Zarautz B, Gros C edo Alfil A, talde gogorrak denak ere.
Gaur jokatuko dituzte ligako lehendabiziko partidak, 16:00etan, Hernanin, Azkoitiko Anaitasuna taldearen kontra. Igandean jokatuko dute Eibarren, lehengo astean elurragatik atzeratutako partidua.
Hernani B gogor hasi da
Joan den astean hasi zuen Hernani Bk, Gipuzkoako bigarren mailako liga. Irabazi egin zuten Easo Cren kontra, 3-1, eta hasiera bikaina eman zioten ligari. Aurtengo ligan postu on batean bukatzeko aukera daukate hernaniarrek, eta mailaz igotzeko aukerarik ere izan dezakete. Aurkaririk gogorrena bezala, aldez aurretik, Añorga ikusten dela esan diote Kronikari, taldeko arduradunek.
Gaur, Fortuna C taldearen kontra jokatuko dute, 16:00etan Donostian.
Gipuzkoako Txapelketa
1.maila
Hernani A
Lasalle A
Zarautz B
Gros C
Gros D
Arrasate B
Txaturanga
Andoain
Alfil A
Eibar B
Anaitasuna
Fortuna B
Hernani A - Xakelariak
Fernando Esnaola
Jon Eizmendi
Mikel Apezetxea
Breogan Estevez
Ricardo Osa
Isidro Esnaola
Jesus Navascues
Gipuzkoako Txapelketa
2.maila
Hernani B
Añorga
Gros G
Gros E
Mundarro B
Easo C
Villabona B
Fortuna C
Hernani B - Xakelariak
Jon Altuna
Mikel Gastesi
Joxe Angel Ijurko
Iñaki Erdozio
Josetxo Barandiaran
Joxe Ramon Altuna