Bihar irekiko da Aizpea Goenagaren sagardo tragoarekin

txotx denboraldiari bihar emango zaio hasiera. Aizpea Goenaga izango da aurtengo denboraldia zabalduko due­na, eguerdiko 12:00etan, Hernaniko plazan, eta Goe­nagak sagar­doari lehenengo tragoa eman on­doren, in­guratzen diren guz­tiek sagar­doa probatzeko auke­ra izan­go dute.

Goiz osoan ekitaldi ugari eta jan eta edateko aukera
Denboraldiaren hasiera eki­tal­dia goizeko 11:00etan hasi eta eguerdiko 14:00ak arte izango da. Lehenengo ordu­an, 11:00e­­tatik 11:45etara, trikitilariak ibiliko dira giroa berotzen. 12:00etan, txalapar­ta­riak izan­go dira eta aldi berean, ofizialki irekiko da denboraldia Aizpea Goena­gak aurtengo sagardoa pro­ba­tzean. Hortik aurrera, eki­tal­diak iraun bitartean auke­ra izango da sagardoa edan eta moka­dutxoren bat jateko. Bitarte horretan, Incansables Txa­ran­ga ibiliko da kaleetan zehar. Plazan geratzen dire­nek, berriz, herri kirolez go­za­tzeko aukera izango dute 13:00etatik aurrera. Izeta harri­jasotzailea eta Fausto Mugerza aizkolaria izango dira.

Gorputz dezente eta lehor punttuarekin
Hernaniko sagardogileek azal­­du dutenez, «aurtengo sagardoak kolore ederrekoak dira orokorrean, azken uzta­koak baino argixeagoak, gor­putz dezen­te dutenak eta lehor punttua nabarmentzen zaienak». Horrez gain, azal­du dute, Normandia edo Ga­liziatik etorri dela sagar asko eta bertakoarekin nahastuta, kalitate oneko sagardoak lortu direla.