Astelehenean irekiko da matrikulazio epea

EPA Hernani HHI, helduei zuzendutako heziketa zentroan datorren lauhilekoan matriku­la­tzeko epea astelehenean irekiko da. Otsailaren 5era arte, izango da zabalik. Astelehe­ne­tik ostiralera 10:00etatik 12:00e­ta­ra eta 17:00etatik 19:00etara.

Doan eta ordutegi aukera zabala
EPA-HHI Eusko Jaurlaritza­ren Hezkuntza Sailaren esku dago eta zentro publikoa da. Matrikula dohainekoa da. Irakasleei dagokienez, titula­tuak eta espezializa­tuak dira. Horrez gain, ordutegi ezberdinak daude: goizez, arratsaldez eta gauez

Ikasketak euskaraz eta gazteleraz
Ohi bezala, bai oinarrizko eta goi mailako ikasketak, bai informatika eta hizkun­tzak euskaraz eta gazteleraz egiteko aukera dago. Hizkuntza aukeratzeaz aparte, norberaren ikasketa mailaren arabera aukera ez­ber­dinak daude. Bigarren Hezkuntzako Graduaturik ga­be: idazten edo irakurtzen ikasi daiteke; komunikazio trebetasunak hobetu; ezagu­pen matematikoak gaurkotu; Bigarren Hezkuntzako Gra­dua­tua lortu; euskara ikasi (euskalduntze edo alfabeta­tzea); ingelesa eta frantsesa ikasi (hasiera maila); eta informatika ikasi (hastapenei buruzko ikastaroa). Oinarrizko titulazioa iza­nez gero, berriz, informatika eta hizkuntzak ikasteaz gain, Unibertsitaterako eta goi mailako zikloetarako sarbide-probak prestatu daitezke.

Informatika: hastapenei buruzko ikastaroa
Lau hilabetetan (astean bi edo hiru egunez) informatikaren oinarriak ezagutzen eta orde­na­gailuaren erabilera nagu­sie­tan trebatzen ikasten da. Hiru ataletan banatzen da: Windows XP sistema eragi­lea, Microsoft Word testu-prozesatzailea eta Internet Explorer/Outlook Express.

Hizkuntzetan, oinarrizko ikastaroa
Euskara, ingelesa edota fran­tsesa ikasteari dagokionez, oinarrizko ikastaroa eskain­tzen du EPA-HHI zentroak. Hizkuntza komunikazioa de­la oinarritzat hartuta, ikasta­roak hizkuntza-trebeziak (ira­kur­mena, mintzamena, en­tzu­mena eta idazmena) oina­rrizko mailan garatzea du helburu. Ikastaro horiek ere lauhilekoak izaten dira eta talde txikikoak. Matrikulatu nahi duenak bertatik pasa behar du, An­tzio­la, 62 helbidean dago zentroa. Informazio gehiago­ra­ko edo beste ikasketa mota­ren bat nahi izanez gero, tele­fono honetara deitu: 943 335 318.