Berria Txapelketako lehenengo kanporaketa jokatuko da gaur 21:00etan, Hernaniko pelotalekuan. Lehiatuko diren lehenengo elkarteak Iruñeako Oberena eta Añorga izango dira. Nafarrak dira faborito kadete eta seniorretan duten mailagatik. Kadeteetan jokatuko dute Jaurenak eta Cordonek Mugika eta Cristobalen aurka. Añorgakoak aurrelari on batekin indartu dira, baina zaila izango dute partidua irabazten, iruñarrek bikote ona osatzen baitute. Jubeniletan Juanenea eta Etxamendi neurtuko dira Loidi eta Maizaren aurka. Partidu interesgarria espero da Nafarroako egungo txapeldunak eta Gipuzkoako bikoterik onenetakoa izango baitira aurrez aurre. Seniorretan Olangua eta Azanzak aurrez aurre izango dituzte Jauregi eta Biain. Kasu honetan ere, Añorgak atzelari ona lortu du, baina bikote nafarra esperientzia haundikoa da.
Txapelketaz kanpo beste hiru partidu gaur
Berria Txapelketatik kanpo, beste hiru partidu jokatuko dira gaur. Kadeteetan neurtuko dira: Behar Zana/Leonet-Etxegoien, 18:30etan Villabonan; eta Gazteleku/Urkizu-Murgiondo 20:15etan, Andoainen. Paleta nesketan berriz: Urnieta/Tijero-Zaba-la, 20:15etan Urnietan.