Konpostagailua jartzen dutenek %40 gutxiago ordainduko dute

Udalak ez zuen espero halako arrakasta izango zuenik, autokonpostagailua es­ka­tzeko lehendabiziko kanpainak. 141 hernaniarrek es­katu dute konpostagailua, eta laister izango dute etxean, urtarrilaren 19tik aurrera; horretarako, ikastaro bat egin beharko dute aurretik, ordu eta erdi ingurukoa.
Atez Ateko sistema mar­txan jartzen denean, konpostagailua dutenek diru gu­txiago ordaindu beharko du­te urtero, zabor tasagatik;  %40 gutxiago, hain zuzen ere. Izan ere, konposta etxean egiten dutenek zabor gu­txiago aterako dute egunero, eta zati hori, ´ahorratu` egingo dute urteroko fakturan.

«Lehenengo kanpaina ona»
Hernaniko Udalak animatu egin nahi ditu hernaniarrak autokonposta egitera, eta ho­rretarako kanpaina bat bai­no gehiago egingo ditu. Lehen­da­bizikoa bukatu du, eta ja­kinarazi du «emaitzak espero baino hobeak» izan direla.    
141 hernaniarrek eskatu dute konpostagailua, Udalak espero baino %40 gehiagok.

Ordu eta erdiko ikastaroa
Udalak gutuna idatzi zien Hernanin etxe inguruan terrenoa duten guztiei, eta horietatik 141 hernaniarrek eskatu dute konpostagailua. Orain, urtarrilaren 19tik au­rrera ikastaro motx bat izango dute, ordu eta erdikoa (konposta nola egin behar den esplikatzeko). Ikastaroa bukatuta, konpos­tagailua eman egingo zaie.

Terreno puska bat nahikoa, konpostagailua jartzeko
Terreno puska bat dutenek (ez da haundia behar), eta konpostagailua nahi dutenek, aukera izango dute eskatzeko, aurrerago egingo diren kanpainetan.
Informazio gehiagorako, Udalak jarri duen bulegora joan (Kardaberaz, 25) edo deitu: 900 840 090.