‘Ave Maria’ parkeko proiektua onartu du Udalak, eta berehala hasiko ditu lanak

Ave Maria parkea egiteko proiektua onartu zen atzo Tokiko Gobernu Batzordean. Proiektu hori subentzionatuko da Zapatero Planaren bidez eta oraingoz lehenengo fasea bakarrik egingo da. Jose Luis Loinaz proiektuaren ar­kitektoak azaldutakoaren ara­bera, proiektua bi fasetan dago banatua eta lehenengo fasean, parke pribatu izatetik publiko izatera pasatzeko beharrezko lanak egingo dira. Horren barruan sar­tzen dira: sarrerak eta bideak egitea, argiak jar­tzea, eta zuhaitz eta jardinak txukuntzea. Lehe­nengo fase horren kostua 1.376.000 euro da. Asmoa da lehenbailehen hastea obrak.

2garren fasean, lan osagarriak
Loinazek azaldutakoaren ara­­bera, bigarren fasean egin­go liratekeen lanak au­rre­koa osa­tzeko lirateke. Fase hori aurrerako geratuko da, printzipioz. Ber­tan sartuko lirateke: estanke bat, uretako landare eta ur-saltoarekin; koloretako lorez osatutako lorategia, mira­do­rea­rekin, eta haurrentzako jo­las gunea. Es­tan­kea egitea 480.062 euro kostako da; lorategia egitea 167.437 euro; eta jokuak jar­tzea 130.500 euro.

Latsunbe eta igerilekuetatik sarbideak, lorategia, eta Antziolan jokuen gunea
Proiektuak Mugarik gabe du izena, helburua baita, parkea norabide guztietan zabal­tzea; hau da, parkerako sa­rre­ra-irteerak herriko bazter askotatik egitea eta parke bezala fun­tziona­tzeaz gain, auzoen arteko pasabide ere izatea.
Parkeak bi sarbide nagusi izango ditu: bat Latsunbe au­zotik, eta bestea Eduardo Chi­llida pasealekutik, igerileku irekien ingurutik. Sar­bide na­gu­­­sia Latsunbe­koa izan­go da eta bertan harrera leku baten antzekoa egingo da, itu­rri eta bankuarekin. Ber­tatik ranpa bat egingo da gurpildun aulkiekin parkera sartzeko.
Igerilekuetarako pasabidea ´airean` egingo dute, lu­rretik 40 cm altxata, alegia. 10 metro zabal izango ditu, hasieran 18 metro zabalekoa egitea pen­tsatzen bazen ere.

Geiser eta ur-askarik ez
Jose Luis Loinaz arkitektoak azaldutakoaren arabera, ha­sieran aurkeztutako lanean, 10 metroko Geiserra jar­tzea proposatzen zuten (ur-txorrotada altua), ur-askarekin, baina azkenean kentzea erabaki dute. «Ave Maria parkearen ezaugarri nagusia da herrigunean bertan egonda, naturaz gozatzeko aukera duzula, sekulako lasaitasun eta isiltasunarekin, eta Gei­serrak zarata gehiegi aterako luke. Hala ere, uraren presentzia beharrezkoa ikusten zen eta horren ordez, estankea izango luke».

Koxka elkartearekin bilera
Joan den ostegunean, Hiri­gintza eta Ingurumen batzordean aurkeztu zuen proiektua Jose Luis Loinaz arkitektoak. Ber­tan, Koxka ezinduen el­karteko kideak izan ziren eta bilera hi­tzartu zuten Loi­na­ze­kin. Asmoa da, proiektuak kon­tuan hartzea ezintasunen bat dutenen egoera eta be­raien­tzat ere behar bezala egokitua egotea. Koxkakoek be­raien ikuspuntuaren berri eman nahi diote.