emaitza ederra lortu dute hernaniko atletek, joan den asteburuan jokatu diren Gipuzkoako Txapelketako frogetan. Lau urre eta bi brontze ekarri dituzte, hernaniko atleten maila ona agerian uzten dutenak. Gipuzkoako Txapelketa Belodromoan jokatu da, kadete, jubenil eta junior mailetan, eta nahikoa partaidetza bajua izan dute, antola tzaileek adierazi dutenez.
Ane Villaverde txapeldun, 400 eta 800 metroan
Ane Villaverdek 400 eta 800 metroan lortu zuen garaipena, juniorretan. Denbora polita egin zuen 800 metroan; 2:40:70 behar izan zituen.
Lide Redondok urrezkoa eta brontzezkoa
Juniorretan, baita ere, Lide Redondok urrezko medaila lortu zuen 60 metroan, 8:45 denbora eginda, eta bere seriean bigarrena izan bazen ere, bera izan zen gipuzkoarrik azkarrena. Redondok, baita ere, brontzezko domina lortu zuen 60 metro hesietan. Bere seriean laugarren izan zen, baina gipuzkoako hirugarrena.
Enara Agirrezabalak saltorik luzeena
Enara Agirrezabalak egin zuen jauzirik luzeena, eta urrezko domina lortu zuen, juniorretan. Agirrezabalak 5,06 metroko jauzia egin zuen.
Olaia Auzmendik brontzea lortu zuen
Urrutira bota zuen Auzmendik 3 kg pisua zuen bola; 8,43 metroko bidea egin zuen bolak, eta hernaniarrak brontzezko domina lortu zuen, kadete mailan.
Hernaniar gehiago ere bai, eta emaitza on gehiago...
Atleta hernaniarrek emaitza on gehiago ere izan zituzten asteburuan, dominarik lortu ez bazuten ere. Imanol Lionek, esaterako, 60 metroko lasterketa irabazi egin zuen bere seriean, nahiz eta sailkapen orokorrean laugarren geratu, jubeniletan.
Tomax Elortza bosgarrena izan zen, kadeteetan, 600 metroan, 1:39:50 denbora eginda.
Jubeniletan, Juan Ormaetxeak bigarren bukatu zuen bere karrera, 200 metroan, eta sailkapen orokorrean bosgarrena izan zen.
Juniorretan, Lide Redondo laugarren geratu zen luzera jauzian, 4,73 metroko jauzia eginda; Enara Agirrezabala bosgarren gipuzkoarra izan zen 60 metroan, 8,77 denbora eginda.