hernaniko PSE-EE alderdiak prentsa oharrean salatu du, Urteberri egunetik Errege Egunera, Gobernu Taldeak 300.000 euro gasteatzea planteatu duela Atez Ateko sisteman, «herritarrek erabakitzea nahi ez duten proiektu batean». Alderdi Sozialistak dioenez, Gobernu Taldeak planteatu du Hernaniko Udalak zuzenean bi erosketa egitea: 1-Bi kamioi, Atez Ateko bilketa egiteko bakarrik balio dutenak, 249.981 € (41.600.000 pzta); eta 2-Organikoa biltzeko balioko duten kuboak, 61.272 € (10.195.000 pzta). Guztira, 300.000 euro pasa.
«Publizitaterik gabe egiten ari dira konkurtsoak»
PSE-EEak dioenez, proiektu hau herriak erabakitzerik ez du nahi Gobernu Taldeak, «eta gainera, beste suministroetarako konkurtsoak ere, enpresa gutxi batzuei inbitazioak eginez ari dira egiten, publizitaterik gabe».
«Falta zaiguna da, Udalak zuzenean kontratatzea
bilketa egiteko langileak»
PSE-EEren esanetan, Udala ekonomikoki gehiago konprometitzeko falta den bakarra da, Udalak zuzenean kontratatzea Atez Ateko bilketa egingo duten langileak.
«Gainera, errezeloa dugu izkutuka ari ote diren horretan. Pertsona batek baino gehiagok aurkeztu du bere kurrikuluma udalean, eta ofizialki ez da lan eskaintzarik egin; eta ez da erabaki zer egin FCC enpresarekin Udalak duen kontratuarekin; horrek kolokan jartzen du oraingo langileen etorkizuna».
Alderdi Sozialistak dioenez, martxa honetan, «langile zerrenda itxi bat aurkeztuko digute, eta ez dute inongo aukerarik emango eztabaidarako: sistema egokiena zein den erabakitzeko, alegia».