HERNANI, Urnieta eta Astigarragako parrokiek eta beraiei dagozkien elkarte erlijiosoek Urumea Harana Pastoral Barrutia osatu dute, eta berau zuzentzeko Arduradun Taldea eratu dute. Joan Maria Uriarte Gipuzkoako Gotzainari Arduradun Taldeko kideen izenak aurkeztu zizkien herenegun, eta berak bakoitzari ministerio-izendapena eman zion. Honakoa Ebanjelizazio arloan: Haur eta Familia Katekesirako Consuelo Aierdi; Gazte Pastoraltza Xabier Arraztio; eta Famili Pastoraltza Txomin Balerdi. Liturgi arloan: Otoitz-Sakramentuak eta Erlijiosoak Sor Alize Puente; eta Hitzaren Ospakizunak zuzendu Mari Jose Goñi. Soziokaritate arloan: Caritas Ixiar Balda; Osasun Pastoraltza Arantxa Loiarte; Gizarte Pastoraltza Fatima Ormaetxea; Hirugarren Mundua Jose Ramon Jauregi; eta Espetxe Pastoraltza Mikel Goenaga. Barne antolaketa arloan: Formazio eta Informazioa Maite Aranzadi; eta Ekonomia eta Ondarea Mikel Olasagarre. Apaizak: Gidari eta Ebanjelizazio arloko kontsiliario Jose Luis Aperribai; Taldekide eta Barne Antolakuntza arloko kontsiliario Mikel Ormazabal; Taldekide eta Liturgia arloko kontsiliario Iñaki Aranzadi; eta Taldekide eta Soziokaritate arloko kontsiliario Mikel Goenaga.
Gotzainak egindako
azterketatik abiatua
Jose Luis Aperribai Hernaniko parrokoak azaldutakoaren arabera, Proiektu Pastoral hau 2004an jarri zen martxan Uriarte Gotzainak hemengo Artziprestaldera egin zuen bisitatik. Bertako gizarte eta elizaren azterketa egin zuen eta proposatu zuen birmoldaketa bat eman behar zela 10-15 urtera begira gizartearen eta elizaren eredu berriari erantzunez. Hala, bide horretan, indarrak biltzen eta elkartzen hasi ziren hiru herrietako parroki eta komunitate erlijiosoak.
Proiektu Pastoral bateratua Ebanjelioaren zerbitzura
«Helburua da, Proiektu Pastoral bateratu bat izatea eta berari jarraituta, Ebanjelioaren zerbitzura lan egitea. Betiere herritarrengandik gertu, eta are gehiago ezinean eta sufritzen daudenengandik eta zapuztuta edo aldendu zaizkgunengandik», azaldu zuten herenegun, Pastoral Barrutiaren eta Arduradun taldearen aurkezpenean. Lortu nahi dute «eliz elkartasuna izatea sakonagoa, zabalagoa eta agerikoagoa, eta Elizaren funtsezko eginkizunaren hiru alderdiak elkarbanatzea eta indartzea».