Trakatan, trakatan hiru errege, trakatan, trakatan... Hernanira

urte osoan txintxo-txintxo, eta ez hain txintxo portatu direnentzat ere, opari mordoa ekarriko dute gaur Erre­ge Magoek. Etxez etxeko gaueko bueltari ekin aurretik ordea, herrian barrena ibiliko dira arratsaldean, urtero be­zala. Lehenengo, zaharren egoitzara joango dira bisita egitera. Arratsaldeko 15:00e­tan izango da. Zentruko so­lairu ezberdinetan ibiliko di­ra eta guztiei kasu egin eta opariak banatu ondoren, he­rriko bueltari ekingo diote Mel­txor, Gaspar eta Baltasa­rrek. Errege kabalgata Marie­luts auzoko Karobi elkartetik abiatuko da 18:00etan. Erre­ge Magoek, 65 paje izango dituzte bidelagun, musikari, herritar eta oparien zain irrikitan dauden haurrez gain. Karobitik Elkano kalean barrena igo, Plazatik pasa, Kardaberaz jaitsi eta Kale Nagusitik igoko dira, ostera, Plazara. Bertan opariak banatuko dizkiete haurrei eta azken eskaerak egiteko aukera ere izango da.